Asociacioni i Spitaleve Private të Kosovës shprehu ngushëllimet e tij për ndarjen nga jeta të Armend Aganit, bashkëthemelues i asociacionit dhe ish-kryetar i bordit.
Në një telegram ngushëllimi, ASPKS thekson se humbja e tij krijon një boshllëk të pazëvendësueshëm për asociacionin dhe për gjithë komunitetin shëndetësor privat në vend.
“Kontributi i tij i çmuar, përkushtimi i palëkundur dhe vizioni me të cilin ndihmoi në themelimin dhe zhvillimin e ASPKS do të mbeten përgjithmonë të gdhendura në kujtesën dhe rrugëtimin tonë institucional,” thuhet në komunikatë.
ASPKS kujton Aganin si një njeri të urtë, të përkushtuar dhe një përfaqësues të nderit të asociacionit, duke shprehur ngushëllimet më të sinqerta për familjen, miqtë dhe të gjithë bashkëpunëtorët e tij.
