28 mijë e 511 ekzaminime radiologjike janë realizuar gjatë vitit 2025 në Spitalin e Përgjithshëm “Dr. Sami Haxhibeqiri” në Mitrovicë, duke reflektuar ngarkesën e lartë të shërbimeve diagnostikuese në këtë institucion shëndetësor.
Sipas të dhënave, gjatë vitit të kaluar janë kryer 18 mijë e 951 radiografi (rëntgen), 3 mijë e 726 tomografi të kompjuterizuara (CT), 5 mijë e 551 ekzaminime me ultrazë (eho), si dhe 283 mamografi, përcjell Gazeta Shneta.
Shërbimet radiologjike janë vënë në funksion të vazhdueshëm për pacientët e shtrirë, duke u ofruar 24 orë në ditë, ndërsa gjatë ditëve të punës shërbimi është ofruar edhe për pacientët ambulantor.
Radiologjia konsiderohet një nga hallkat kryesore në procesin e diagnostikimit, pasi u mundëson mjekëve klinicistë të vendosin diagnozë më të saktë dhe të ndjekin ecurinë e sëmundjeve./Gazeta Shneta/
