Laboratori i Spitalit të Përgjithshëm në Pejë ka realizuar një numër të lartë shërbimesh laboratorike gjatë vitit 2025, sipas të dhënave të publikuara nga ky institucion shëndetësor.
Gjatë kësaj periudhe, në laborator janë shërbyer 89,530 pacientë, përfshirë pacientë të shtrirë në spital, si dhe pacientë ambulatorë që janë paraqitur për kryerjen e analizave mjekësore, përcjell Gazeta Shneta.
Sipas njoftimit, gjatë vitit 2025 janë kryer gjithsej 1,050,340 analiza laboratorike, ndërsa mesatarisht janë shërbyer rreth 245 pacientë në ditë.
Për secilin pacient janë realizuar mesatarisht 11.7 analiza laboratorike,.
Nga Spitali i Përgjithshëm në Pejë bëhet e ditur se shërbimet laboratorike janë një nga shtyllat kryesore të diagnostikimit dhe trajtimit, jo vetëm për pacientët e shtrirë, por edhe për qytetarët dhe pacientët ambulatorë që çdo ditë kryejnë analiza laboratorike./Gazeta Shneta/