Gjatë vitit 2025, Shërbimi i Mjekësisë Fizikale me Rehabilitim në Spitalin e Gjakovës ka kryer trajtime mjekësore dhe rehabilituese për pacientët ambulantorë dhe të hospitalizuar.
Sipas të dhënave zyrtare, janë kryer 3,364 vizita specialistike, prej të cilave 3,114 pacientë janë trajtuar nga mjekët fiziatër, ndërsa 250 vizita kanë qenë nga mjeku sportiv.
Në fushën e diagnostikës, spitali ka realizuar 91 ultrazë diagnostike osteomuskulare, 269 procedura elektrostimulimi për nervin facialis dhe 73 seanca laseroterapie, duke mundësuar trajtime të specializuara dhe të personalizuara për pacientët.
Gjatë vitit janë kryer 8,527 seanca të terapive fizikale dhe 23,263 procedura terapeutike të veçanta, përfshirë elektroterapi, kineziterapi dhe magnetoterapi, që ndihmojnë në rikuperimin e shpejtë të pacientëve./Gazeta Shneta/
