Spitali i Përgjithshëm në Pejë ka publikuar raportin e shërbimeve të ofruara gjatë javës që lamë pas.
Sipas këtij njoftimi, gjatë javës janë realizuar 2 mijë e 291 vizita specialistike, ndërsa janë regjistruar 203 pranime të reja.
Mesatarisht, 152 pacientë kanë qenë të shtrirë në spital brenda një dite, transmeton Gazeta Shneta.
Në aspektin diagnostik, 1,129 pacientë kanë kryer gjithsej 13,122 analiza laboratorike.
Po ashtu, janë realizuar 595 rëntgen, 231 ultrazëra dhe 96 ekzaminime me MRI.
Sa i përket ndërhyrjeve mjekësore, gjatë kësaj periudhe janë kryer 52 operacione, ndërsa janë ofruar edhe 218 dializa.
Raporti përfshin gjithashtu edhe shërbime të tjera, si 26 ehokardiografi, 14 ergometri, 13 gastroskopi dhe 9 kolonoskopi.
Ndërkohë, në kuadër të rehabilitimit, janë realizuar 173 shërbime fiziatrike./Gazeta Shneta/