Spitali i Përgjithshëm në Pejë ka shënuar një ditë intensive pune, duke realizuar gjithsej 17 operime të suksesshme brenda 24 orëve të fundit.
Sipas njoftimit zyrtar të këtij institucioni shëndetësor, gjatë së njëjtës periudhë janë regjistruar edhe 6 lindje të reja – 5 djem dhe 1 vajzë, të cilët kanë ardhur në jetë në gjendje të mirë shëndetësore.
Përveç ndërhyrjeve kirurgjikale dhe lindjeve, spitali ka ofruar një gamë të gjerë shërbimesh për pacientët. Gjatë ditës së djeshme janë realizuar 518 vizita specialistike dhe janë pranuar 49 pacientë të rinj për trajtim.
Aktualisht, në këtë institucion janë të shtrirë 238 pacientë, ndërsa 265 prej tyre kanë kryer gjithsej 3,506 analiza laboratorike.
Në aspektin diagnostik dhe trajtues, janë realizuar:
– 30 dializa,
– 97 ekzaminime me rëntgen,
– 44 ultrazëra,
– 26 MRI,
– 7 ehokardiografi,
– 6 gastroskopi,
si dhe 49 shërbime fiziatrike.