Është përmbyllur Konferenca e Shtatë Ndërkombëtare e Stomatologjisë, e organizuar nga Oda e Stomatologëve të Kosovës, e cila u mbajt më 17 dhe 18 prill 2026 në Prishtinë.
Sipas njoftimit, kjo konferencë mblodhi mbi 1300 pjesëmarrës të regjistruar, duke u renditur ndër ngjarjet më të mëdha profesionale në fushën e stomatologjisë në rajon, përcjell Gazeta Shneta.
Gjatë dy ditëve të punimeve, ligjërues nga vende të ndryshme, përfshirë Brazilin, Portugalinë, Turqinë, Kroacinë, Italinë, Shqipërinë dhe Kosovën, prezantuan zhvillimet dhe arritjet më të fundit në disiplinat e stomatologjisë.
Në fokus të veçantë ishin edhe fusha si antropologjia dentare dhe stomatologjia forenzike.
Organizatorët vlerësuan se ky edicion reflekton zgjerimin e bashkëpunimit ndërkombëtar dhe angazhimin profesional në këtë fushë.
Nga Oda e Stomatologëve të Kosovës u shpreh falënderim për ligjëruesit, pjesëmarrësit dhe bashkëpunëtorët që kontribuuan në realizimin e konferencës./Gazeta Shneta/