Gjatë kësaj jave, në Spitalin e Gjakovës janë ofruar një sërë shërbimesh shëndetësore, sipas të dhënave të raportuara nga ky institucion.
Aktualisht, në këtë spital janë të hospitalizuar 155 pacientë, ndërsa gjatë javës janë regjistruar 22 lindje.
Në fushën kirurgjikale janë kryer gjithsej 52 operacione në traktin operativ.
Sa i përket shërbimeve ambulantore, 1718 pacientë kanë realizuar vizita specialistike.
Ndërkohë, edhe shërbimet diagnostikuese dhe mbështetëse kanë qenë aktive gjatë kësaj periudhe. Sipas të dhënave: 258 pacientë kanë marrë shërbime të hemodializës, 358 kanë kryer ultrazë, ndërsa 872 pacientë kanë realizuar analiza laboratorike, me gjithsej 12,450 analiza të kryera.
Po ashtu, 220 pacientë kanë marrë shërbime në radiologji, ndërsa 89 pacientë kanë kryer ekzaminime me CT.
Në repartin e mjekësisë fizikale dhe rehabilitimit, gjatë kësaj jave shërbime kanë marrë 171 pacientë. /Gazeta Shneta/