Spitali i Përgjithshëm “Isa Grezda” në Gjakovë ka publikuar raportin javor të punës për periudhën 4–11 maj 2026, ku janë paraqitur shërbimet e realizuara në repartet dhe njësitë e tij.
Sipas të dhënave të publikuara, aktualisht në këtë spital janë të hospitalizuar 132 pacientë, ndërsa gjatë javës janë realizuar 26 lindje dhe 51 operacione në Traktin Operativ, transmeton Gazeta Shneta.
Gjatë kësaj periudhe janë kryer edhe 2 mijë e 333 vizita specialistike ambulantore. Po ashtu, 258 pacientë kanë marrë trajtim në Hemodializë, ndërsa janë realizuar 381 shërbime të ultrazërit.
Në raport bëhet e ditur se 810 pacientë kanë kryer analiza laboratorike, ndërsa numri i përgjithshëm i analizave të realizuara ka arritur në 12 mijë e 158.
Shërbime në Radiologji kanë marrë 360 pacientë, ndërsa janë kryer edhe 155 ekzaminime CT.
Ndërkaq, 168 pacientë kanë marrë shërbime në Njësinë e Mjekësisë Fizikale me Rehabilitim.