Gjatë javës së kaluar, përfshirë edhe ditën e djeshme që ishte festë zyrtare, në Spitalin e Përgjithshëm në Pejë kanë lindur 24 foshnje.
Sipas të dhënave të spitalit, nga foshnjet e porsalindura, 17 janë djem dhe 7 vajza.
Përveç shërbimeve në repartin e Gjinekologjisë dhe Neonatologjisë, spitali ka realizuar edhe një numër të madh shërbimesh tjera mjekësore gjatë kësaj periudhe.
Në total janë kryer 3 mijë e 149 vizita specialistike dhe janë regjistruar 278 pranime të reja të pacientëve.
Ndërkaq, mbi 1 mijë pacientë kanë kryer gjithsej 21,641 analiza laboratorike.
Në sallat operative janë realizuar 71 operacione, ndërsa janë ofruar edhe 266 shërbime të dializës.
Sa i përket diagnostikimit, spitali ka kryer 759 rëntgen, 293 ultrazëra, 86 MRI dhe pesë mamografi.
Po ashtu janë realizuar 61 ekzaminime me ehokardiografi, 19 ergometri, 13 gastroskopi dhe 10 kolonoskopi.
Gjatë kësaj kohe janë ofruar edhe 261 shërbime fiziatrike për pacientët./Gazeta Shneta/