Në Spitalin e Përgjithshëm të Pejës është realizuar për herë të parë me sukses një nefrektomi laparoskopike, duke shënuar një hap të rëndësishëm në avancimin e kirurgjisë moderne dhe procedurave minimalisht invazive në institucionet publike shëndetësore.
Sipas njoftimit të spitalit, intervenimi është realizuar nga urologu Dr. Shkëlzen Elezaj, me mbështetjen e ekipeve të Repartit të Urologjisë, Anestezionit dhe Kujdesit Intensiv, si dhe me kontributin profesional të Dr. Naim Loxhës dhe Dr. Liridon Elezajt.
Nga spitali kanë vlerësuar se ky operim përfaqëson një sukses të rëndësishëm profesional dhe një zhvillim të ri në aplikimin e teknikave moderne kirurgjikale në sektorin publik./Gazeta Shneta/