Australia ka konfirmuar rastin e parë të virusit H5N1 në territorin e saj kontinental, pasi virusi u zbulua te një zog detar i llojit brown skua në Australinë Perëndimore. Deri tani, Australia ishte kontinenti i fundit pa një rast të konfirmuar të këtij virusi në pjesën kontinentale.
Autoritetet australiane kanë nisur menjëherë masa të shtuara të mbikëqyrjes, testimeve dhe biosigurisë për të parandaluar përhapjen e virusit te shpendët e egër dhe fermat e shpendëve. Një zog i dytë i sëmurë, i gjetur në të njëjtën zonë, po ashtu ka rezultuar pozitiv, shkruan Reuters, transmeton Gazeta Shneta.
Ekspertët paralajmërojnë se H5N1 mund të ketë pasoja serioze për biodiversitetin australian, duke rrezikuar specie të rralla si luani detar australian, papagalli orange-bellied dhe djalli tasmanian.
Megjithëse rastet tek njerëzit janë të rralla, virusi ka shkaktuar miliona vdekje te shpendët në mbarë botën dhe ka infektuar edhe gjitarë të ndryshëm.
Kryeministri australian Anthony Albanese deklaroi se qeveria do të ndërmarrë çdo masë të nevojshme për të kufizuar përhapjen e virusit dhe për të mbrojtur bujqësinë dhe faunën e vendit. /Gazeta Shneta/