Spitali i Përgjithshëm në Pejë ka bërë të ditur se gjatë 24 orëve të fundit në këtë institucion kanë ardhur në jetë tetë foshnja, prej tyre tre djem dhe pesë vajza.
Përveç shërbimeve në repartin e Gjinekologjisë dhe Obstetrikës, spitali ka ofruar një numër të madh shërbimesh shëndetësore edhe në repartet e tjera.
Sipas të dhënave të publikuara nga spitali, gjatë ditës së djeshme janë realizuar 416 vizita ambulatore, ndërsa janë pranuar 41 pacientë të rinj për trajtim.
Aktualisht në këtë institucion janë të hospitalizuar 156 pacientë, përcjell Gazeta Shneta.
Në laboratorët e spitalit, 203 pacientë kanë kryer gjithsej 2,789 analiza laboratorike, ndërsa ekipet kirurgjikale kanë realizuar 14 ndërhyrje operative.
Po ashtu, janë ofruar 34 seanca të hemodializës, janë kryer 85 ekzaminime me rëntgen, 53 ekzaminime me ultratingull (eko), 14 rezonanca magnetike (MRI), katër ekografi, gjashtë ergometri, tre gastroskopi dhe 23 shërbime fiziatrike.