Një ekip ndërkombëtar studiuesish ka bërë një hap të rëndësishëm drejt zhvillimit të një vaksine kundër një prej shkaktarëve kryesorë të diarresë së rëndë.
Teknologjia e zhvilluar nga Universiteti i Bergenit në Norvegji dhe institutit NORCE është licencuar nga kompania ndërkombëtare e vaksinave Valneva, e cila do të vazhdojë zhvillimin e saj.
Vaksina synon bakterin Enterotoxigenic Escherichia coli (ETEC), një nga shkaqet më të zakonshme të diarresë bakteriale, që prek miliona njerëz çdo vit, veçanërisht fëmijët në vendet me të ardhura të ulëta dhe të mesme.
Profesori Halvor Sommerfelt tha se marrëveshja është rezultat i dekadave të kërkimit dhe tregon potencialin e madh të teknologjisë për t’u shndërruar në një vaksinë efektive.
Studiuesit janë fokusuar në neutralizimin e një toksine të bakterit ETEC, e cila konsiderohet një nga sfidat më të mëdha në zhvillimin e vaksinave kundër kësaj sëmundjeje.
Sipas tyre, ende nuk ekziston një vaksinë që ofron mbrojtje të gjerë kundër ETEC, ndërsa synimi afatgjatë është që vaksina e re të ndihmojë në uljen e rasteve të diarresë së rëndë dhe të bëhet e qasshme sidomos për fëmijët në vendet ku kjo sëmundje vazhdon të jetë një problem serioz shëndetësor.