Një 64 vjeçar është gjetur mbrëmë i vdekur në një pusetë në rrugën “Xheladin Hana” në Prishtinë.
Deri tek gjetja e trupit të pajetë erdhi pasi forcat e rendit rreth orës 21:30 kishin pranuar një informacion se një person kishte dalë nga shtëpia e tij, që nga ora 10:30 dhe nuk ishte kthyer më.
“Me të marrë informacionin, njësitet e nevojshme policore, kanë ndërmarrë një varg veprimesh operative për gjetjen e personit në fjalë, të cilin pa shenja jete e kanë gjetur në rrugën në “Xheladin Hana” në Prishtinë, saktësisht në një pusetë.
Sipas policisë, vdekjen e personit me inicialet Sh. D. e ka konstatuar ekipi mjekësor në vendin e ngjarjes.
Trupi i pajetë i viktimës është dërguar në Institutin e Mjekësisë ë Ligjore për obduksion, ndërkohë që me rekomandim të Prokurorit të Shtetit është hapur rasti “Vdekje në rrethana të dyshimta”.
Ndërkaq, policia është duke e hetuar rastin.