Sociologu dhe analisti Ardian Gola konsideron se shteti është duke investuar miliarda euro në drejtim të gabuar.
Gola nëpërmjet një postimi në Facebook, thotë se gratë shtatzëna janë simbolika e ekzistencës së njeriut dhe shteti është duke i anashkaluar, transmeton Gazeta Shneta.
“Shtatzania, perpos si gjendje biologjikisht dhe shpirterisht teper e ndieshme per femren, bart me vete edhe shenjterine e jetes. Eshte simbolike e ekzistences.”
“Nje pushtet qe investon miliarda euro n’autostrada te reja e shtatzanave iu preke shpina n’tela t’krevateve krejtesisht t’amortizuem t’QKUK s’eshte gje tjeter perpos se pushtet jetemohues. Pushtet qe perbuze ekzistencen dhe, per rrjedhoje, s’ka pike konsiderate per njeriun. Eshte, pra, pushtet mizantrop”, ka shkruar Gola.
Sociologu thotë se me dalë në mbrojtje të këtij pushteti është marri.
“E, me e kritiku ose me e mbrojte kete model te pushtetit me kategori filozofike ose ideologjike, e madje edhe me polemizu ne nivele te tilla, eshte marri. Ngase ky pushtet eshte aq banal sa qe filozofia s’e duron ndersa per ideologjine eshte e pakuptimte.”
“E si tragjedi s’ia gjeni dot shoqin prej Eskilit e deri te Shekspiri. Jo per dicka tjeter, por sepse eshte banal pra. Eshte banalitet qe as letersia s’e rrok dot. Ky banalitet vetem mund te jetohet. Asgje me teper. E ne paskemi pas fatin ta jetojme.”, ka përfunduar ai. /Gazeta Shneta/