Ordinanca private e mjekut kontravers turk, Ahmet Payasli, është bastisur nga Policia e Kosovës, merr vesh Gazeta Shneta nga burime brenda Policisë së Kosovës.
Por, nga një bastitje për shmangie tatimi, në ordinancën e tij u thirrën edhe inspektorët farmaceutikë, pasi klinika ‘Dr. Payasli’ po funksiononte me më shumë dallavare se vetëm ato financiare.
Policia njoftoi se Departamenti i Hetimeve Tatimore dhe Intelegjencës në bashkëpunim me Krimet Ekonomike ka bastisur klinikën në fjalë për dyshimet për shmangie tatime.
Aty janë gjetur para kesh pa prejardhje, por jo vetëm. Në këtë klinikë u gjenden barna e materiale tjera shëndetësore pa prejardhje, pa afat dhe shumë të rrezikshme për pacientet që trajtohen aty.
Për këtë arsye, në vendngjarje është thirrur edhe Inspektorati Farmaceutik i Ministrisë së Shëndetëisë, të cilët sekuestruan materialet si prova për këtë rast.
Produktet shumë të ndjeshme shëndetësore u gjetën në frigoriferin e zakonshëm të klinikës, çka është totalisht në kundërshtim me kushtet e mirëmbajtje dhe çka e zë në rrezik përdorimin e tyre në pacientë.
Edhe pse pa leje dhe pa licensë, policia ka gjetur se në këtë klinikë janë gjetur produkte medicinale për trajtimin e pacientëve për IVF, duke gjetur epruveta likuide me ngjyrë vjollcë. /Gazeta Shneta/