Përsëri janë raportuar shifra të larta të infektimit me Covid në Shqipëri.
Ministria e Shëndetësisë njofton se vetëm në 24 orët e fundit janë kryer 4.228 testime prej të cilave kanë rezultuar pozitive 896 qytetarë, prej të cilave 224 raste të reja janë shënuar vetëm në Tiranë.
Fatkeqsisht tre qytetarë kanë humbur betejën me Covid-19, mes tyre një 49-vjeçar nga Elbasani, një 67-vjeçar nga Vlora dhe një 71-vjeçar nga Durrësi.
Në Spitalet COVID po marrin trajtim 132 pacientë, nga të cilët 14 janë në gjendje më të rënduar.
Aktualisht janë 12,003 pacientë aktivë me COVID19 në të gjithë vendin, ndërsa janë shëruar 518 qytetarë gjatë 24 orëve të fundit, duke e çuar numrin e të shëruarve në 136,479 që nga fillimi i epidemisë.
Ministria e Shëndetësisë vijon me apelin për të gjithë qytetarët që të vaksinohen sa më parë për të mbrojtur veten dhe të tjerët./TopChannel