Agjencia për Produkte dhe Pajisje Medicinale ka njoftuar se ilaçi ‘omeprazol’ ka rezultuar konform parametrave dhe standardeve.
Analizat për këtë produkt janë kryer në në Laboratorin e Kontrollit të Cilësisë dhe në Laboratorin për Kontroll të Barnave në HALMED të Kroacisë.
“Rezultatet e fituara në parametrat e kontrolluar për produktin omeprazol për injeksion 40 mg kanë rezultuar konform parametrave dhe standardeve të kërkuara të cilësisë në të dy laboratorët. Prandaj, shfuqizohet Vendimi i AKPPM-së i datës 16.05.2023 me numër protokolli 1760 për produktin Omeprazol për injeksion 40 mg, me numër serik 2122324”, thuhet në njoftimin nga Ministria e Shëndetësisë.
AKPM në maj të këtij viti kishte marr vendim për tërheqjen e këtij produkti pas informatës nga QKMF në Prishtinë, me datën 16.5.2023, në lidhje me shqetësimet e disa pacientëve, ku kanë pasur reaksione gjatë dhe pas marrjes së infuzioneve në njësitë e QKMF-së, dhe sipas informatave që i kanë marrë në terren reaksionet e pacientëve kanë qenë: ethe, cianozë, pulsi i shpejtuar, vjellje, dridhje të duarve.
Njoftimi i plotë nga Ministria e Shëndetësisë:
Ministria e Shëndetësisë njofton opinionin publik se Agjencia e Kosovës për Produkte dhe Pajisje Medicinale (AKPPM) ka kompletuar analizat e kontrollit të cilësisë për kontroll të jashtëzakonshëm të produktit Omeprazol për injeksion 40 mg të Prodhuesit Sëiss Parenteral, Indi.
Për shkak të rëndësisë së kësaj analize, AKPPM paralelisht me analizën e kontrollit në Laboratorin e Kontrollit të Cilësisë ka realizuar edhe testin e krahasueshmerisë për këtë produkt edhe në Laboratorin për Kontroll të Barnave në HALMED të Kroacisë.
Rezultatet e fituara në parametrat e kontrolluar për produktin omeprazol për injeksion 40 mg kanë rezultuar konform parametrave dhe standardeve të kërkuara të cilësisë në të dy laboratorët.
Prandaj, shfuqizohet Vendimi i AKPPM-së i datës 16.05.2023 me numër protokolli 1760 për produktin Omeprazol për injeksion 40 mg, me numër serik 2122324.
AKPPM këshillon profesionistët shëndetësor që të ndjekin udhëzimet e prodhuesve për produktet medicinale të specifikuara në karakteristikat përmbledhëse të produkteve dhe fletudhëzimet e tyre përkatëse.