Agjencia Kosovare për Produkte Medicinale ka njoftuar se ka tërhequr nga tregu kosovar produktin “Bio Sutra”, i cili përdoret për stimulim të marrëdhënieve seksuale.
“Ju njoftojmë se produkti Bio-Sutra me substance active Sildenafil Citrat , 100 mg xhel oral (me shtatë shije të ndryshme) me numër serik BSJ 817, prodhues Sëiss Parenterals PVT,LTD është sjellur nga Inspektoriati Farmaceutik si produkt i rregullt nga tregu , në Laboratorin Zyrtar për Kontrollë të Cilësisë”, thuhet në njoftimin e AKMP-së, transmeton Gazeta Shneta.
Gjatë testimit laboratorik, AKMP deklaron se janë fituar rezultate Mikrobiologjike të cilat kanë rezultuar jashtë limiteve të lejuara Farmakopeale si dhe deklarimeve të prodhuesit.
“Prandaj produkti i lartëcekur është raportuar si produkt Jashtë specifikave të lejuara, prandaj AKPPM si autoritet kompetent ka ndërmarrë vendim për tërheqjen nga tregu të kësaj serie”, thuhet në njoftim. /Gazeta Shneta/
