Autobusi me mërgimtarë kosovarë që po vinte nga Gjermania në Kosovë u aksidentua sot në Kroaci ku të vdekur kanë mbetur 10 persona
Ministri i Shëndetësisë Vili Beros dhe shefi i Mbrojtjes Civile Damir Trut kanë shkuar në vendin e ngjarjes, ndërsa Beros pasi vizitoi spitalin ‘Slavonski Brod’ ku po trajtohen 45 të lënduarit, iu drejtua mediave.
“69 persona, 67 pasagjerë dhe 2 shoferë u përfshinë në aksident”, tha Beros, duke shtuar se 15 të tjerë janë lënduar rëndë.
“Kishte edhe të mitur në aksident, një vajzë është e lënduar rëndë”, tha gjithashtu ai.
Fjalën e mori edhe Maja Grba Bujevic, duke thënë se ishin përfshirë 6 ekipe të ndihmës së shpejtë.
“Në 6:23 morëm një telefonatë, në 6:256 u nisëm”, tha Bujevic. Katër ose pesë minuta më vonë, tha ajo, stafi i ambulancës ishte në vend ngjarje.
Shefi i spitalit ‘Slavonski Brod’ tha se dy kishte të lënduar rëndë.
“Dy persona janë në kujdes intensiv, 15 janë të plagosur rëndë. Ne patëm tre operacione dhe kjo nuk e përjashton mundësinë e operacioneve të reja. Të gjithë pacientët kishin kujdese sipas rregullave”, tha ai.
Damir Trut tha se të gjitha shërbimet bënë punë të mirë.
“Kjo nuk ndodh shpesh. Gjatë historisë, ne kemi pasur disa aksidente të tilla, kryesisht autobusë të huaj. Disa vjet më parë, kishte një autobus sllovak afër Gospic”, tha Trut.
Ai u pyet nëse aksidenti ishte shkaktuar nga lodhja.
“Nuk mund t’iu themi, sepse hetimi po vazhdon, hetuesit do t’iu tregojnë gjithçka pastaj. Shumica dërrmuese e udhëtarëve janë shtetas të Kosovës”, tha Trut. /gazetametro.net