Një aksident i rëndë ka ndodhur sot rreth orës 06:10 në rrugën Pejë-Prishtinë, saktësisht në Dollc.
Si pasojë e aksidentit mes një autobusi dhe një veture, ka mbetur i vdekur nje person dhe 5 të tjerë janë lënduar.
Kompania “Pranvera Tours” pas këtij rasti të rëndë njoftoi se ka humbur jetën shoferi i veturës.
Ndërsa shoferi dhe pasagjerët e autobusit kanë marrë ndihmën e nevojshme mjekësore dhe gjendja e tyre është jashtë rrezikut.
“Me keqardhje të thellë ju njoftojmë se sot ka ndodhur një aksident trafiku ku është përfshirë njëri nga autobusët e kompanisë sonë dhe një automjet tjetër.
Fatkeqësisht, si pasojë e këtij aksidenti, ka humbur jetën shoferi i veturës. Ne shprehim ngushëllimet tona më të sinqerta për familjen dhe të afërmit e tij në këtë moment të vështirë.
Shoferi dhe pasagjerët tanë kanë marrë ndihmën e nevojshme mjekësore dhe gjendja e tyre është jashtë rrezikut”, thuhet në njoftim.