Shtetet e Bashkuara të Amerikës, i janë bashkangjitur një numri në rritje vendesh – në vendosjen e kufizimeve për vizitorët nga Kina pasi Pekini njoftoi se do të hiqte kufizimet për udhëtimet jashtë shtetit.
Spitalet në të gjithë Kinën janë mbingarkuar nga një shpërthim infeksionesh pas vendimit të Pekinit për të hequr rregullat e rrepta që e kishin mbajtur kryesisht virusin ‘në gji’, por që tronditën ekonominë dhe ndezën protesta të gjera, shkruan burimi AFP përcjell Gazeta Shneta.
Këtë javë, Kina ka njoftuar se do t’i jepte fund karantinës së detyrueshme – duke nxitur shumë njerëz të gëzuar të bëjnë plane për të udhëtuar jashtë vendit.
Si përgjigje, Shtetet e Bashkuara dhe një numër vendesh të tjera njoftuan se do të kërkonin teste negative të COVID për të gjithë udhëtarët nga Kina kontinentale.
“Rritja e shpejtë e rasteve në transmetimin e COVID-19 në Kinë rrit potencialin për shfaqjen e varianteve të reja,” u tha gazetarëve, një zyrtar i lartë shëndetësor amerikan në një konferencë telefonike.
Pekini ka ofruar vetëm të dhëna të kufizuara në lidhje me variantet që qarkullojnë në Kinë, thanë zyrtarët dhe testimi dhe raportimi i tyre për rastet e reja janë zvogëluar.
Lëvizja e SHBA-së erdhi pasi Italia, Japonia, India dhe Malajzia njoftuan masat e tyre në një përpjekje për të shmangur përhapjen e varianteve të reja nga Kina. /Gazeta Shneta/