Dr. Arben Vitia do të jetë ministri i ardhshëm i Shëndetësisë në Qeverinë e re të Kosovës.
Këtë e ka bërë të ditur kryetari i Lëvizjes Vetëvendosje Albin Kurti në një video paraqitje para pak minutash, shkruan Gazeta Shneta.
Kurti ka deklaruar se ende nuk ka arritur marrëveshje me LDK-në për të formuar qeverinë, por megjithatë ka publikuar emrat e propozuar për ministra nga radhët e VV-së. Një nga ta, Dr. Arben Vitia, është propozuar për ministër të Shëndetësisë dhe Sportit.
Ndëraq ministrinë e Drejtësisë do ta udhëheq Albulena Haxhiu, ministrinë e Punëve të Jashtme Blerim Reka, ministrinë e Financave Besnik Bislimi, ministrinë e Ekonomisë dhe Tregtisë Rozeta Hajdari dhe pozitën e zëvendëskryeministrit të dytë Haki Abazi.
Kurti gjatë ditës së sotme pritet të takohet me Presidentin Hashim Thaçi, nga i cili pritet të mandatohet për kryeministër të Kosovës. /Gazeta Shneta/