Kosova ka ndaluar përkohësisht importin e qumështit për foshnje “Aptamil” dhe me vendim të Agjencisë së Ushqimit dhe Veterinarisë, ky produkt do të tërhiqet nga tregu.
Kjo për shkak të dyshimeve që qumështit për foshnje “Aptamil” në disa vendet e BE-së ka praninë të mundshme të toksinës Cereulide në këtë produkt.
Njoftimi i plotë:
Agjencia e Ushqimit dhe Veterinarisë njofton opinion se ka marrë vendim për ndalimin e përkohshëm të importit të të gjitha llojeve të qumështit të përpunuar për foshnje “APTAMIL” në Kosovë. Ky vendim është bazuar në njoftimet e shpeshta të pranuara nga Sistemi i Alarmimit të Shpejtë për Ushqim dhe Ushqim për Kafshë (RASFF), sipas të cilave disa vende të BE-së, përfshirë Kosovën, po përballen me situatën që ka të bëjë me praninë e mundshme të toksinës Cereulide në këtë produkt.Përmes njoftimeve të publikuara gjatë ditëve të fundit janë dhënë sqarime të plota lidhur me produktin për fëmijë APTAMIL, përfshirë edhe informacionin se cilat lloje të këtij produkti nuk mund të përdoren. Prandaj qytetarët nuk kanë arsye për shqetësim, pasi për sasinë e cila është futur me herët në Kosovë masat janë ndërmarrë në kohë dhe në mënyrë parandaluese.Agjencia e Ushqimit dhe Veterinarisë, në koordinim me operatorët ekonomikë, ka realizuar tërheqjen nga tregu të produktit të paralajmëruar. Ndërkohë, inspektorët e AUV-së janë në terren dhe po vazhdojnë me gjurmueshmërinë e plotë, me qëllim verifikimin nëse ka mbetur ndonjë njësi e produkteve te paralajmëruar si të papërdorshme.Të gjitha veprimet e ndërmarra më parë por edhe ky vendim kanë prioritet mbrojtjen maksimale të shëndetit të foshnjave dhe konsumatorëve, ndërsa situata po menaxhohet me përgjegjësi të plotë dhe në koordinim të vazhdueshëm me partnerët ndërkombëtarë.Njoftohen të gjithë operatorët ekonomikë që veprojnë në Republikën e Kosovës për zbatimin e detyrueshëm të këtij vendimi.Ky vendim hyn në fuqi nga sot, datë 11.02.2026 dhe zbatohet në të gjithë territorin e Republikës së Kosovës.Agjencia e Ushqimit dhe Veterinarisë do të vazhdojë të informojë publikun për çdo zhvillim të mëtejmë.
