Kandidati për deputet nga radhët e Lidhjes Demokratike të Kosovës, neurokirurgu Haxhi Avdyli, ka rifilluar fushatën por kësaj radhe për ministër të shëndetësisë.
Në ditët kur pritet të bisedohet ndërmjet grupeve punuese të LDK-së dhe Vetëvendosjes për shëndetësinë, Avdyli ka riaktualizuar kritikat e tij për ish-ministrit Uran Ismaili dhe sindikalistët, shkruan Gazeta Shneta.
“Me përfundimin e zgjedhjeve 2 gjëra të mira po ndodhin për shëndetësinë. Ish-Ministri Ismaili ka humbur dikah ,si duket shëndetësinë e kishte trampolinë politike ,sepse më s’po interesohet që ta ‘ndreqi’ shëndetësinë. Dhe lajmi i dytë i mirë është që Sindikata e Mjekëve pas 2 vite pauzë është aktivizuar shumë për të ‘mirën’ e shëndetësisë”, ka shkruar Avdyli në postimin e tij në Facebook.
Gjatë ditës së sotme grupet punuese të LDK-së dhe VV-së do të takohen për të biseduar për përafrimin e programit qeverisës pasi pritet të bëjnë koalicion pas certifikimit të rezultateve nga KQZ. Gazeta ka mësuar nga burime se sot do të diskutohet edhe për shëndetësinë. /Gazeta Shneta/
