Drejtori i Përgjithshëm i SHSKUK-së Elvir Azizi ka emëruar disa drejtorë e shefa në këtë institucion.
Drejtori i Përgjithshëm i Shërbimit Spitalor Klinik dhe Universitar Elvir Azizi i ka emëruar disa drejtora e shefa në administratën e këtij institucioni pas hyrjes në fuqi të Rregullores për organizimin e brendshëm dhe sistematizimin e vendeve të punës, shkruan Gazeta Shneta.
Azizi i ka emëruar dy ud.drejtora në administratën e SHSKUK-së, Dibran Zogaj ud.drejtor i Departamentit Ligjor. Në këtë departament janë emëruar edhe dy shefa Ilir Kurti dhe Zana Morina.
Ndërkaq Alban Janova ud.drejtor i Departamentit të Burimeve Njerëzore.
Në anën tjetër Azizi e ka bërë një transfer nga administrata e SHSKUK-së për në Qendrën e Shëndetit Mendor në Prizren. Sali Bllaca i cili më parë ka mbajtur pozitën e zyrtarit për siguri në punë në SHSKUK, tani do të ushtrojë detyrën e drejtorit të QSHM-së në Prizren.
Kujtojmë se disa më parë Azizi ka emëruar edhe Ardian Shefkiu në pozitën e ud.drejtorit të Departamentit të Shërbimeve Shëndetësore në SHSKUK. /Gazeta Shneta/