Drejtori i Klinikës së Kardiokirurgjisë Shpejtim Shurdhiqi e ka konfirmuar se babai i ministrit Hekuran Murati është transferuar nga QKUK në një klinikë në Shkup.
Babai i ministrit Hekuran Murati është transferuar nga Qendra Klinike Universitare e Kosovës, në një klinikë në Shkup, ka raportuar sot Demokracia.com.
Këtë lajm për këtë portal e ka konfirmuar drejtori i Klinikës së Kardiokirurgjisë në QKUK, Dr. Shpejtim Shurdhiqi.
Sipas raportimit nga Demokracia, Shurdhiqi nuk ka dhënë detaje për problemet shëndetësore me të cilat po përballet prindi i Muratit, por ka thënë se trajtimi i nevojshëm nuk mund të ofrohej brenda kapaciteteve aktuale të QKUK-së.
Për rastin në fjalë nuk dihen më shumë detaje. Kjo nuk është hera e parë që politikanët dhe familjarët e ngushtë të tyre udhëtojnë jashtë vendit për të marr shërbime shëndetësore. /Gazeta Shneta/