As remdesivir (antiviral) dhe as REGN-COV2 (përmban antitrupa të dyfishtë monoklonalë) nuk kanë përfunduar hulumtimet klinike në shkallë të gjerë, thonë shkencëtarët britanikë.
Ata u shprehën se ende mungon prova përfundimtare se dy ilaçet anti-Covid të dhëna tek Donald Trump janë klinikisht të efektshme shkruan The Guardian, përcjell Gazeta Shneta.
Ndër të tjera, studiuesit në Mbretërinë e Bashkuar tregojnë se të dy ilaçet – remdesivir dhe REGN-COV2 – duhet të kryejnë ende provat e rastësishme në shkallë të gjerë, të nevojshme për të demonstruar plotësisht aftësinë e tyre për të luftuar Covid-19 tek pacientët.
“Nëse Presidenti Trump bëhet më mirë, ne ende nuk do ta dimë nëse ato ilaçe luajtën një rol në rimëkëmbjen e tij apo jo. Ato mund të kenë qenë mjaft të rëndësishëm ose nuk kanë luajtur aspak rolin e duhur”, tha profesori Martin Landray i Universitetit të Oksfordit.
Në të kundërt, Britania ka miratuar një politikë të drejtimit të provave të verbra, të rastësishme për të provuar efikasitetin e ilaçeve përmes programit të testimit ‘Recovery’ – themeluar nga Profesorët Landray dhe Peter Horby, gjithashtu i Universitetit të Oksfordit.
Ata krahasuan përgjigjjet e pacientëve që marrin një trajtim me atyre që u jepet placebo (forma farmaceutike pa substancë aktive).
Në këtë mënyrë, shkencëtarët britanikë identifikuan efektivitetin e deksametasonit, një steroid i lirë, në trajtimin e Covidit ndërsa demonstruan padobishmërinë e hidroksiklorokinës, medikamentit shumë të njohur e të përfolur në fillesa të pandemisë në mundësinë e trajtimit të Covid-19. /Gazeta Shneta/