Agjencia e sëmundjeve infektive e Bashkimit Evropian, njoftoi se rastet e rënda të pashpjegueshme të hepatitit te fëmijët e vegjël ishin “një ngjarje shqetësuese e shëndetit publik”.
Shifrat e Qendrës Evropiane për Parandalimin dhe Kontrollin e Sëmundjeve (ECDC), tregojnë se 191 raste të hepatitit janë regjistruar në mbarë botën që nga fundi i marsit, shumica e tyre në Evropë, me disa që shkaktojnë dështim të mëlçisë dhe kërkim të transplantit të organit, shkruan MedicalxPress përcjell Gazeta Shneta.
Rreziku për fëmijët evropianë nuk mund të vlerësohet me saktësi pasi provat për transmetimin midis njerëzve ishin të paqarta dhe rastet në Bashkimin Evropian ishin “sporadike me një tendencë të paqartë”.
Por duke pasur parasysh shkaqet e panjohura të sëmundjes dhe ashpërsinë e mundshme të sëmundjes së shkaktuar, ECDC tha se shpërthimi “përbën një ngjarje shqetësuese të shëndetit publik”.
Për të mësuar më shumë rreth komplikimeve të shtatzënisë KLIKO KËTU.
Rritja e rasteve të hepatitit filloi në Skoci më 31 mars dhe më shumë se 100 nga 191 rastet e regjistruara deri më tani ishin në Britani.
Infeksione të mëtejshme janë regjistruar në 12 vende të tjera evropiane, SHBA, Izrael dhe Japoni.
Të paktën një fëmijë ka vdekur nga sëmundja misterioze deri më tani, sipas Organizatës Botërore të Shëndetësisë.
Shumica e fëmijëve të infektuar ishin nën 10 vjeç dhe prej tyre kishte dhe nën moshën pesë vjeç.
Këtu vlen të theksohet se asnjë prej tyre nuk kishte ndonjë gjendje të tjetër shëndetësore.
Agjencia, rekomandoi përmirësimin e praktikave të mbikëqyrjes dhe higjienës për të ndaluar përhapjen e rasteve. /Gazeta Shneta/