Bordi Drejtues i SHSKUK-së ka dal me një reagim kundër deklaratave të deputetit të PDK-së, Bekim Haxhiu.
Deklaratën e Haxhiut se Bordi ka përgjegjësi për keqpërdorimin e 12 milionë eurove, Bordi Drejtues e ka quajtur shpifje, transmeton Gazeta Shneta.
“Bordi Drejtues njofton se në kuadër të kompetencave të tij ligjore nuk e ka në menaxhim buxhetin e SHSKUK-së dhe si rrjedhojë nuk ka se si të krijojë dëmin në shumën e permendur nga zotëri Haxhiu”, thuhet në reagimin e Bordit.
Ky organ poashtu e ka kritikuar Haxhiun se si profesionist i fizioterapisë nuk ka kontribuar gjatë pandemisë.
Kujtojmë se Haxhiu është i punësuar si fizioterapeut në Klinikën e Fiziatrisë në QKUK, por këtë pozitë e ka të ngrirë si deputet.
Reagimi i plotë nga Bordi:
Reagim/Sqarim për media
Bordi Drejtues i Shërbimit Spitalor Klinik dhe Universitar i Kosovës ( ShSKUK), me qëllim të informimit të drejt të opinionit publik, lëshon këtë njoftim sqarues lidhur me shpifjet e bëra sot në adresë të Bordit, nga Deputeti i Parlamentit të Republikës së Kosovës, z.Bekim Haxhiu, përfshirë shkrimet në portalet e ndryshme.
Bordi Drejtues njofton se në kuadër të kompetencave të tij ligjore nuk e ka në menaxhim buxhetin e SHSKUK-së dhe si rrjedhojë nuk ka se si të krijojë dëmin në shumën e permendur nga zotëri Haxhiu.
Deklarimet e z.Haxhiu janë në vazhdimësi tendencioze dhe me qëllim të degradimit të autoritit të anetarëve të Bordit Drejtues. Aq më tepër kur fjala është për një profesionist shëndetësor që madje as gjatë Pandemisë Covid -19, nuk ka dhënë asnjë kontribut në trajtimin e qytetarëve në nevojë, përfshirë edhe kryerjen e ushtrimeve fizioterapeutike për të cilat është i thirrur.
Andaj, konsiderojmë se ky keqpërdorim i imunitetit të deputetit deri në këtë masë, duke plasuar të pavërteta me metodat tashmë të njohura të dezinformimit, është tendencë për arritje të qëllimeve politike, duke ndikuar direkt në humbjen e besimit të qytetarëve në institucionet publike shëndetësore.