Në fillim të pandemisë, mjekët nuk kishin një ilaç që mund t’u jepnin pacientëve me sëmundje kritike të Covidit të pranuar në repartin e emergjencës dhe kujdesit intensiv.
Javën e kaluar, në bazë të disa studimeve shkencore, Organizata Botërore e Shëndetësisë (OBSH) lëshoi rekomandimin e saj zyrtar që njerëzit me gjendje të rëndë të Covid-19, të marrin steroide për të përmirësuar shanset e tyre për të mbijetëse shkruan WebMD përcjell Gazeta Shneta.
Kjo sepse steroidet veprojnë si anti-inflamatorë. Rastet më të këqija të Covid-19 janë shënuar nga inflamacionet ekstreme.
Në anën tjetër gjatë muajit maj, FDA autorizoi spitalet për të dhënë remdesivir për të rriturit dhe fëmijët me COVID-19 të rëndë.
Në fund të gushtit, agjencia e zgjeroi atë autorizim për këdo që ishte i shtruar në spital me virusin.
Në një studim të 1,063 të rriturve në spital me Covid ata që morën remdesivir u rikuperuan në rreth 11 ditë krahasuar me rreth 15 për ata që morën një placebo.
Gjithashtu në fund të gushtit, FDA u dha ofruesve të kujdesit shëndetësor autorizimin e përdorimit emergjent për plazmën konvaleshente në trajtimin e Covid-19.
Plazma është pjesa e gjakut që mbart antitrupa kundër viruseve. Në këtë rast, trajtimi përdor plazmën e dhuruar nga të mbijetuarit e Covid-19.
Ideja është që të mbijetuarit e Covid-19 kanë antitrupa që luftojnë virusin. Përmes plazmës, mjekët mund të kalojnë ato antitrupa që luftojnë virusin te të tjerët që janë të sëmurë rëndë. /Gazeta Shneta/