Komiteti i Barnave për Përdorim Njerëzor (CHMP) në Agjencinë Evropiane të Barnave (EMA) ka miratuar një bar të ri të quajtur “Akantior”, i prodhuar nga kompania SIFI, për trajtimin e keratitit nga akantameba. Ky infeksion i rrallë i kornesë mund të ndodhë te individët që përdorin lente kontakti dhe mund të shkaktojë verbëri.
Ky bar është një hap i rëndësishëm në mjekësinë e trajtimit të kësaj patologjie të dhimbshme. Keratiti nga akantameba është një sëmundje e rrallë, e cila prek një numër të vogël të pacientëve, por ka një ndikim të madh në cilësinë e jetës së tyre. Shkruan Canada Newswire, transmeton Gazeta Shneta.
Deri më tani, nuk ka pasur një trajtim specifik për këtë sëmundje, por me miratimin e Akantior, pacientët e prekur mund të shpresojnë për një përmirësim të qëndrueshëm në shëndetin e tyre dhe në cilësinë e jetës.
Miratimi i Akantior-it mund të konsiderohet si një revolucion në mjekësinë e trajtimit të keratitit nga akantameba në Evropë, duke hapur rrugën për trajtime më efikase dhe të orientuara drejt shërimin e plotë të pacientëve. Ky bar jetim do të jetë në dispozicion për pacientët në Evropë dhe do të ndihmojë në luftën kundër kësaj sëmundjeje të rrallë. /Gazeta Shneta /