Nëse jeni duke ushqyer fëmijën me gji dhe për sa kohë të jeni duke ushqyer me gji fëmijën tuaj, ky është faktori më i madh në përcaktimin se sa shpejt trupi juaj do të rifillojë ciklin e tij menstrual.
Koha është e ndryshueshme për çdo grua dhe ka një sasi të madhe kohore në atë që konsiderohet normale, varësisht nga trupi dhe rrethanat tuaja. Si rezultat, kornizat kohore të përmendura më poshtë janë vetëm udhëzime të përafërta. Nëse jeni e shqetësuar, mjeku juaj personal mund të ndihmojë në vlerësimin e situatës tuaj dhe të siguroheni që jeni në rrugën e duhur.
Mbani në mend se trupi juaj do të lëshojë vezën e parë postnatale para se të fillojë ciklin e menstruacioneve. Pra, nëse nuk filloni të përdorni kontracepsionin sa më shpejt që të filloni të keni marrëdhënie seksuale përsëri, ju mund të mbeteni shtatzënë edhe para se të keni ciklin tuaj të parë. Nëse jeni duke ushqyer me gji, mos u mashtroni nga miti se nuk mund të mbeteni shtatzanë- shumë nëna që kanë ushqyer fëmijët e tyre me gji kanë mbetur shtatzanë dhe janë habitur nga shtatzanitë e pa planifikuara.
Nënat që ushqejnë me gji
Një përfitim i ushqyerjes me gji është se vonon rikthimin e ciklit tuaj menstrualë. Për aq kohë sa jeni ende duke ushqyer me gji fëmijën tuaj ditë e natë, mund të zgjasë deri në një vit para se të shkoni në barnatore të bleni peceta për periodat tuaja apo medikamente për ndaljen e dhimbje nga dhimbjet menstruale
Por nëse jeni me fat që të keni një fëmijë që fle gjatë natës nga një moshë e hershme, periudhat tuaja ndoshta do të kthehen më shpejt – zakonisht në tre deri në tetë muaj.
Periudhat gjithashtu mund të kthehen herët nëse gjidhënien jeni duke e plotësuar edhe me formulë ose për ndonjë arsye keni ndaluar ushqyerjen e fëmijës me gji për një periudhë të caktuar.
Me fjalë të tjera, sa më shpesh foshnja juaj ushqehet me gji, aq më shumë mund të zgjasë koha kur cikli juaj menstrual të rikthehet.
Nënat që ushqejnë me formulë
Nëse ushqeni foshnjën me formulën, cikli juaj menstrual mund të kthehet menjëherë një muaj pas lindjes, ose mund të zgjasë dy deri në tre muaj. Kjo pasiqë fëmija juaj nuk pi qumësht gjiri që është indikacion që cikli juaj të vijë më herët ose të vonohet.
Shkrim nga Dr Drita Kabashi – Për t’u konsultuar apo caktuar termin te Dr Drita, përdorni numrat e telefonit: 044/049 379 111.