Në Kirurgjinë Torakale numrin më të madh të operacioneve e ka kryer Dr. Nazmi Kolgeci, derisa dembeli më i madh është zv.ministri i Shëndetësisë Granit Abdullahu me vetëm një operacion si mjek kryesor
Publikimi i performancës së mjekëve të klinikave të QKUK-së kësaj radhe bëhet për Klinikën e Kirurgjisë Torakale. Sikurse klinikat tjera të kirurgjisë, edhe torakalja është në grevë që nga dhjetori duke kërkuar rroga mbi 2 mijë euro, shkruan Gazeta Shneta.
Por sa kanë punuar këta kirurg gjatë 12 muajve të vitit të kaluar. Numrin më të madh të operacioneve si mjek kryesor e mban Dr. Nazmi Kolgeci me 82 sosh, ndërsa si asistent ka kryer 61 intervenime.
Pas tij vjen Dr. Avni Behluli me 74 operacione si mjek kryesor dhe 40 si asistent, ndërsa në vendin e tre të është drejtori i Klinikës Dr. Saudin Maliqi me 72 operacione si mjek kryesor dhe 9 si asistent.
Dembeli më i madh i kësaj klinike është zëvendësministri i Shëndetësisë, Granit Abdullahu. Gjatë 12 muajve ai ka kryer vetëm një operacion si mjek kryesor, ndërsa ka asistuar në 5 raste. Pas tij me më së paku operacione është Dr. Mirsad Ukshini me 10 sosh si mjek kryesor dhe 44 asistent. Pak më mirë qëndron Dr. Sabit Misin me 16 operacione si mjek kryesor dhe 48 si asistent. /Gazeta Shneta/