Pas një periudhe të vështirë në mjekim intensiv dhe operacionit të gjatë në Neurokirurgji, Elza Ujkani po shërohet me sukses.
Deputeti i Levizjes Vetëvendosje, Haxhi Avdyli, ka bërë të ditur se gjendja e Elzës është përmirësuar ndjeshëm pas operacionit të zhvilluar për të ndaluar gjakderdhjen intrakraniale pas shembjës së kulmit të komunës së re të Prishtinës.
Ajo tani është e vetëdijshme, e komunikueshme dhe e lëvizshme me të gjitha ekstremitetet, edhe pse ka pësuar lëndime serioze në para krah dhe në vertebrën cervikale C7.
Deputeti Avdyli ka falënderuar stafin mjekësor të Neurokirurgjisë për punën dhe profesionalizmin e tyre të lartë gjatë trajtimit të Elzës. Ai shtoi se tani Elza ka nevojë për qetësi dhe rehabilitim disa ditore deri në momentin e transferimit në shtëpi./GazetaShneta/
