Sot në të gjithë botën shënohet Dita Botërore e Mjekut Familjar.
Edhe këtë vit, kjo datë shënohet pa listë të pacientëve shkruan Gazeta Shneta.
Për këtë ka reaguar kryetari i Shoqatës për të Drejtat e Pacientëve në Kosovë, Besim Kodra.
Ai thotë se vetëm profesionistët shëndetësore të mjekësisë familjare në Kosovë janë të akredituar ndërkombëtarisht, por që sipas tij, ata kurrë nuk do të arrijnë të ushtrojnë profesionin sic duhet derisa nuk bëhet lista e pacientëve.
Postimi i plotë i tij:
Kosova shënon ditën e mjekut familjar pa lista të pacientëve!
Lindë pyetja, mjek familjar i kujt?! Dikujt që nuk ka lidhje të përhershme me të?! JO. Kjo nuk është mjekësi familjare!
Mjeku familjar është i vetmi profesion shëndetësor në Kosovë i akredituar nderkombëtarisht. Gjithashtu, profesioni shëndëtsor që gëzon respektin më të madh nga ana ime. Por ata kurr nuk mund ta ushtrojnë profesionin e vet si duhet derisa nuk bëhen listat e pacientëve. E as sistemi shëndetësor nuk do të funksionoj si duhet pa këto lista.
Shpresoj që një ditë institucioneve me ju ra ndërmend që nuk vazhdohet kështu. Dhe se pa konsolidimin e mjekësisë familjare, nuk mund të kemi shëndetësi si duhet.
Të gjithë mjekëve familjar, urime kjo ditë! Mbroni profesionin tuaj fisnik sepse vetëm kështu mund të jeni të dinjitetshëm dhe të mbroni pacientët./Gazeta Shneta/