Mjeku kardiolog, Florim Cuculi, shpreson që shëndetësia kosovare do të ketë ngritje pozitive viteve në vijim.
Duke folur për emisionin Shneta në T7 me Bujar Vitija, Dr. Florimi ka thënë se i vjen keq kur i sheh pacientët kosovarë të shkojnë për gjëra banare shëndetësore në spitalet komerciale në Maqedoni, ‘Sistina’ dhe ‘Filipi II’.
“Mua si shqiptar më vjen keq t’i shohë kosovarët tek Sistina apo Filipi II dhe shkojnë për gjëra banale. Sa për njohuri, unë vijë nga Maqedonia, por ne duhet të bëjmë më shumë që ato shërbime t’i ofrojmë këtu, në Kosovë. Çfarë ka Maqedonia më shumë se Kosova? Asgjë. Nuk mendojë se mund ta fajësosh vetëm një ministër, pasi ka më shumë fajtorë”, u shpreh Cuculi, i cili punon në Zvicër.
Ai ka kritikuar edhe udhëheqësit kosovarë të shëndetësisë që nuk po ‘thithin’ njohuri dhe përvojë nga mjekët shqiptarë në Evropë.
“Duhet të organizohet transferimi i dijes nga perëndimi këtu. Unë kam sinjalizuar vazhdimisht që jam i gatshëm të vijë të ndihmojë, por është e çuditshme se si më kanë thirrur të bëj raste të ndërlikuara në shumë vende të botës, por nuk më kanë thirrë në Prishtinë, Shkup e Tiranë. Duhet ta heqim xhelozinë mes vete. Duhet një ombrellë më e mirë organizative”, shtoi tutje kardiologu Cuculi.
Ky i fundit është një nga kardiologët invazivë më të njohur në Evropë. /Gazeta Shneta/
https://www.facebook.com/watch/live/?v=242459820561951&ref=watch_permalink
