Profesori i mjekësisë Dr. Nehat Baftiu është përzgjedhur edhe për një mandat në krye të Klinikës së Anestezionit dhe Mjekimit Intensiv Qendror në QKUK.
Baftiu do ta udhëheq këtë klinikë edhe për një mandat tre vjeçar, shkruan Gazeta Shneta.
Anesteziologu ka kaluar testin me shkrim me më së shumti pikë karshi kundërkandidatëve në konkursin për drejtorë të klinikave.
Baftiu është vlerësuar në test me 78 pikë, duke lënë prapa Dr. Rexhep Gjyliqin me 18 pikë më pak, kurse Dr. Qamile Morina ka përfunduar testin me 52 pikë.
Kujtojmë se SHSKUK është në përfundim të përzgjedhjes së drejtorëve në të gjitha njësitë. Në konkursin e fundit janë përzgjedhur shtatë drejtorë, kurse në Gjinekologji konkursi është anuluar për shkak të ankesave dhe përfoljes për ndikime politike. /Gazeta Shneta/