Në Viti është mbajtur takimi i parë miqësor i mjekëve që kanë lindur në këtë komunë, që punojnë apo kanë punuar ndër vite në Viti, si dhe atyre me prejardhje nga kjo trevë.
Takimi u organizua nën idenë e Nexhmedin Osmani dhe Shemsedin Sadiku, ndërsa u hap nga Taib Alidema, si pjesë e organizimit, përcjell Gazeta Shneta.
Organizatorët theksuan rëndësinë e bashkimit profesional dhe prezantuan planet për hapat e ardhshëm pas këtij organizimi.
Në këtë takim u shprehën falënderime për të gjithë mjekët që para dhe pas luftës kanë dhënë kontribut të çmuar në shëndetësinë e Vitisë.
U nderua veçanërisht vepra e mjekëve që nuk jetojnë më, si Feti Hetemi, Fadil Zuka, Mustafë Abdyli dhe Drita Kurteshi, për të cilët u mbajt një minutë heshtje./ Gazeta Shneta/
Postimi i plotë:
Mbahet takimi i parë i mjekëve vitias
Nën idenë e dr.Nexhmedin Osmanit dhe Prof. Dr.Shemsedin Sadikut sot në Viti është mbajtur një takim miqësorë me mjektë, të cilët kanë lindur në Komunën e Vitisë, ata që punojnë në Viti, apo kanë punuar në Viti gjatë viteve të ndryshme dhe kanë prejardhjen nga Vitia.
Takimin fillimisht e hapi dr.Taib Alidema, si pjesë e organizimit, pastaj dr.Nexhmedin Osmani dhe prof.Dr.Shemsedin Sadiku folën edhe për idenë, por edhe për planet për të ardhmen pas këtij organizimi.U bënë falënderime për të gjithë ata mjekë që në periudha të ndryshme kohore, para dhe pas lufte kanë dhënë kontribut në shëndetësi, si dhe u vlerësua lart kontributi edhe i atyre që sot nuk jetojnë në mesin tonë, si dr.Feti Hetemi, Dr.Fadil Zuka, dr.Mustafë Abdyli e dr.Drita Kurteshi, si dhe u mbajt një minutë heshtje në nderim të veprës së tyre.
Ishte një takim përmbajtësorë, ku u diskutuan edhe tema për të ardhmen e këtij organizimi, ku u caktua edhe Këshilli Inicues, i cili do të bëj planin për të ardhmen për formimin e Shoqatës së Mjekëve Vitias, me këtë përbërje:
1.Prof.Dr.Shemsedin Sadiku dhe
2.Dr.Nexhmedin Osmani anëtarë nderi dhe këshillues.1.Dr.Vjollca Kadolli-Halili- kordinatore e Këshillit iniciues
2.Dr.Taib Alidema -anëtar
3.Dr.Valdete Alidema Serreqi-anëtare
4. Dr Ramadan Halimi-anëtar
5.Dr Gazmend Halili-anëtar
6. Dr Avdi Tahiri-anëtar
7. Dr.Aiola Sahiti-anëtare
8. Dr Valbona Aliu Gashi-anëtare
9.Dr Dr Marjan Marku-anëtarKy këshillë inicues planifikon shpejt të bëj takimin e parë, ku do të specifikohen detyrat për të ardhmen dhe aktivitetet tjera.