Drejtori i Klinikës së Neurokirurgjisë Besnik Elshani është duke raportuar në Bordin Drejtues të SHSKUK-së.
Elshani është pyetur nga anëtari i Bordit Dren Boshnjaku, se pse nuk trajtohen aneurizmat në këtë klinikë, trajtimi i të cilave jashtë vendit është duke i kushtuar mjaft shumë buxhetit të Ministrisë së Shëndetësisë, shkruan Gazeta Shneta.
Elshani ka thënë se deri më tani kanë pasur vështirësi që të kryhen këto raste për shkak të mungesës së aparaturave, mikroskopit dhe neuronavigatorit.
“Këto aparatura do të na mundësojnë t’i punojmë këto raste, por duheni me pas parasyshë se aneurizmat po na rrëshqasin kah endoskopia për shkak të procedurës më të lehtë dhe me më pak trauma për pacientin”, ka deklaruar Elshani.
Ai ka thënë se në muajin prill pritet të hyjnë në funksion aparaturat prej 2 milionë euro dhe do të mbahen trajnime për përdorimin e tyre. /Gazeta Shneta/