Drejtori i Klinikës së Syve Dr. Ardian Shabani, Oda e Infermierëve të Kosovës dhe Shoqata e Instrumentarëve kanë shprehur ngushëllime për vdekjen e instrumentares Luljeta Statovci.
“Me dhimbje te thelle morem lajmin per ndarjen nga jeta te instrumentares se Klinikes se Syve Luljeta Statovci. Luljeta do te kujtohet gjithmone si nje profesioniste e perkushtuar ne pune dhe ne sherbim te pacienteve”.
“Ne emrin tim personal dhe gjithe stafit te Klinikes se Syve shprehi ngushellimet me te sinqerta gjithe familjes dhe kolegeve. U prehtë ne paqe shpirti i saj”, thuhet në ngushëllimin e Shabanit.
“Oda e Infermierëve, Mamive dhe Profesionistëve tjerë Shëndetësorë është njoftuar me pikëllim të thellë se në betejën me Covid 19 ka humbur jetën instrumentarja e Klinikës së Oftalmologjisë, Luljeta Statovci.
Ajo do të kujtohet si një profesioniste e përkushtuar në punë e që tërë jetën e saj, u shërbeu pacientëve.
Në emër të Odës së Infermierëve të Kosovës, familjes së të ndjerës dhe gjithë kolegëve, iu shprehim ngushëllimet më të thella me rastin e vdekjes së parakohshme të koleges Luljeta Statovci”, thuhet në letrën e OIK.
“Me pikëllim të thellë morëm lajmin se kolegia jonë Luljeta Statovci – instrumentare në Kliniken e Oftalmologjisë humbi betejën me COVID-19. Ky virus po na merr njerëzit më të mirë, puntorët më të zellshëm”, kanë deklaruar nga Shoqata e Instrumentarëve. /Gazeta Shneta/