Në objektin ekzistues të Klinikës e Mjekësisë Fizikale me Reanimin në QKUK mungojnë pajisjet, ndërkaq drejtuesit e saj thonë se së shpejti do të nis ndërtimi i një objekti të ri për këtë Klinikë.
Zëvendës drejtoresha e Klinikës së Mjekësisë Fizikale, Valbona Krasniqi pranon se klinika ballafaqohet me mungesë të pajisjeve dhe aparaturës së nevojshme, mirëpo problem i madh, sipas saj, është edhe hapësira e kufizuar dhe numri i madh i pacientëve.
Ministria e Shëndetësisë nuk ka pranuar të prononcohet për Radio Dukagjinin në lidhje me këtë çështje.
Ndërsa, sipas zëvendësdrejtoreshës së Klinikës së Mjekësisë Fizikale, pritet që shumë shpejt, të fillojë ndërtimi i një objekti të ri të kësaj klinike.
