Dy urologë të Qendrës Klinike Universitare të Kosovës kanë marr certifikatat e trajnimit në Turqi, për procedura minimale invazive urologjike.
Dr. Liridon Selmani dhe Dr. Artan Elshani janë certifikuar pas trajnimit 3 mujor për procedura minimale invazive urologjike Laparoskopia Urologjike dhe Nefrolitotomi Perkutane, shkruan Gazeta Shneta.
Për këtë trajnim ata kanë falënderuar Shoqatën Turke të Urologëve dhe atë të Kosovës e cila udhëhiqet nga Dr. Bujar Frangu.
“Falenderim i posaqëm për Prof. Dr. Irfan Orhan, udhëheqësi i Klinikës së Urologjisë në Firat University Elazig i cili gjatë 3 muajve qëndroi pranë nesh duke na ofruar gjitha mundësitë në mënyrë që qëndrimi ynë të jetë sa më efikas”, kanë shkruar urologët në njoftimin e tyre.
Mjekët kanë deklaruar se planifikojnë “që në kohë sa më optimale të fillojmë me këto procedura në Klinikën e Urologjisë në ShSKUK në mënyrë që pacientët të mos udhëzohen për trajtim jashtë vendit për këto patologji dhe kështu të dëmtohet Buxheti Shtetëror”.
Njoftimi i tyre i plotë:
Letër Falenderimi
Pas një periudhe 3 mujore së bashku me mikun tim Dr. Artan Elshani arritëm të certifikohemi për procedurat minimal invazive urologjike si Laparoskopia Urologjike dhe Nefrolitotomi Perkutane (PCNL).
Falenderojmë Shoqatën Turke të Urologjisë në krye me Prof. Dr. Ateş Kadıoğlu për mundësinë e dhënë dhe për përkrahjen e vazhdueshme të Shoqatës Kosovare të Urologëve me kryetar Dr. Bujar Frangun.
Falenderim i posaqëm për Prof. Dr. Irfan Orhan, udhëheqësi i Klinikës së Urologjisë në Firat University Elazig i cili gjatë 3 muajve qëndroi pranë nesh duke na ofruar gjitha mundësitë në mënyrë që qëndrimi ynë të jetë sa më efikas.
Klinika e Urologjisë në Firat University Elazig tashmë është shtëpia jonë e dytë dhe për këtë ndjenjë i falenderojmë në vecanti Prof. Dr. Irfan Orhan, Prof. Dr. Tunç Ozan, Prof. Dr. Necip Pirinççi, Prof. Dr. Fatih Osmanlıoğlu, Prof. Dr. Ahmet Karakeçi dhe Dr. Kemal Yılmaz dhe gjithë të punësuarit tjerë aty.
Po ashtu falenderojmë Dekanin e Fakultetit të Mjekësisë Prof. Dr. Metin Kaya GÜRGÖZE.
Ne planifikojmë që në kohë sa më optimale të fillojmë me këto procedura në Klinikën e Urologjisë në ShSKUK në mënyrë që pacientët të mos udhëzohen për trajtim jashtë vendit për këto patologji dhe kështu të dëmtohet Buxheti Shtetëror.
Na priftë e mbara,