E rëndë: COVID-19 ia merr jetën infermierës nga Gjakova, pak ditë para pensionimit

2020-12-01 në ora 15:20

Vjollca Berisha, infermiere në Spitalin e Përgjithshëm të Gjakovës ‘Isa Grezda’ ka ndërruar jetë sot.

Ajo e humbi betejën me COVID-19, duke u bërë viktima e radhës nga stafi mjekësor, shkruan Gazeta Shneta.

Të ndjerës i kishin mbetur vetë edhe pak ditë para daljes në pension. Lajmin për vdekjen e saj e dha vetë spitali.

Njoftimi i plotë:

“Ndahet nga jeta Infermierja Vjollca Berisha,

Vjollca Berisha (1955-2020) në spital të gjithë kemi thirre me emrin motra Voca, sot u nda nga jeta tre dite para pensionimit. Në Spitalin e Përgjithshëm në Gjakovë punoj me shume se 45 vite, duke qene çdo here afër pacientave.

Megjithë përpjekjet e jashtëzakonshme të stafit shëndetësorë, motra Voc nuk e fitoi betejën me këtë virus të rrezikshëm.
Do ta kujtojmë gjithmonë për urtësinë e saj, për punën e palodhshme, ishte shume e nderuar në mesin e punëtorëve shëndetësorë dhe shume e dashur për pacientët.

Menagjmenti, kolegët, gjithë stafi i Spitalit ju shprehim ngushëllimet më të sinqerta familjarëve, miqve dhe kolegëve.
Ju rikujtojmë qytetarëve se spitalet po mbushen, të mos e ulin vëmendjen për zbatimin e rregullave dhe masave për të frenuar përhapjen e virusit të rrezikshëm që prek këdo, pa dallim!”. /Gazeta Shneta/