Edhe pse kanë kaluar shumë muaj nga grushti i dështuar i shtetit në Turqi, Presidenti Taip Erdogan vijon të urdhërojë arrestime në masë të atyre që u përfshinë në këtë ngjarje. Por këtë herë, duket se hakmarrja e tij ka shkuar përtej aspektit njerëzor.
Në kuadër të këtyre arrestimeve, policia në Turqi ka shoqëruar në komisariat bashkëshorten e një personi të përfshirë në grushtin e shtetit.
Ajo është arrestuar një ditë pasi ka lindur fëmijën e saj. Policët që e kanë ruajtur pas derës së maternitetit, e kanë shoqëruar në komisariat nënën Mert së bashku me foshnjën.
Pas fillimit të dhimbjeve të lindjes, ajo është dërguar për në Spitalin Etlik O. Lokman Hekim, në Ankara. Policia ka qenë në pritje për ta arrestuar para derës së dhomës ku do të lindte.
Sipas informacioneve, në momentin e bastisjes së policisë, gjendja e shëndetësore e Nazli N. Mert është përkeqësuar. Ajo është marrë në dhomën e lindjes, ku pasi solli në jetë foshnjën u mor sërish nga “xhandarët”.