Për herë të parë në Kosovë është bërë diagnostifikimi i refluksit vesicouretral me ndihmën e përdorimit të pajisjes ultrasonografike me kontrast.
Një procedurë e tillë u realizua nga mjeka pediatre, Dr. Valbona Nushi Stavileci dhe mjeku infektolog, Dr. Vllaznim Fazliu, shkruan Gazeta Shneta.
Njoftimin për kryerjen e kësaj procedure e dha Dr. Valbona, e cila edhe e shpjegoi rrjedhën e diagnostifikimit.
“Sot u realizua me sukses nga Dr. Valbonë Stavileci dhe Dr. Vllaznim Fazliu, për herë të parë në Kosovë, diagnostifikimi i Refluksit Vesicouretral me ndihmën e ultrazërit të përforcuar me kontrast.
Kjo është metodë e re dhe moderne që aplikohet në botë në institucionet më të avansuara mjekësore nefrologjike. Është metodë shumë më e saktë: ka senzitivitet dhe specicificitet 100%, krahasuar me metodat e deritanishme të cilat arrijnë në vetëm 85%.
Gjatë kësaj procedure nuk ka fare ekspozim ndaj rrezatimit të rrezikshëm për fëmijët. Nëse krahasohet me metodën tradicionale të deritanishme: Cisturografia mikcionale (me fluoroskopi rreze Rtg X), ka rrezatim 16 herë më të fortë se sa një Rtg i zakonshëm.
Me ultrazë bëhet ekzaminimi në kohë reale me vlerësim të vazhdueshëm të fazës së mbushjes dhe me vlerësim edhe të fazës së urinimit. Përderisa me metodën e deritanishme tradicionale të ekzaminimit bëhet me regjistrim intermitent-të ndërprerë dhe mund të ndodhë të mos regjistrohen pjesë të rëndësishme të procesit të mbushjes apo urinimit. Gjatë urinimit rritet shtypja në fshikëz urinare dhe atëherë detektohen edhe 30% të rasteve të Refluksit.
Gjithashtu bëhet edhe vlerësimi i uretrës.
Procedura zgjatë 15-30 min; Realizohet me vendosje të katetrit urinar. Nuk ka komplikacione gjatë procedurës.
Kur duhet të bëhet kjo procedurë:
• Infeksionet urinare
• Hidronefroza
• Anomalite e traktit urinar me sistem duplex
• Hidronefroza e detektuar intrauterin (gjatë shtatëzanisë)
• Përcjellje e përmirësimit të refluksit vesikouretral
Prindërit që nuk kanë dëshirë të rrezatojnë fëmijët e tyre me rreze të rrezikshme të rentgenit, mund ta realizojnë këtë procedurë në Kosovë, në Klinikën “Aura” në Ferizaj, me ultrazërin më të sofistikuar dhe me kualitet të lartë të imazheve: GE Logiq S8 – XDclear dhe me sonda matrix.
Procedura Urosonografisë Mikcionale me kontrast përfshin:
1. Diagnostifikimi i pranisë së Refluksit vesicouretral
2. Konsultimi nefrologjik nga Subspecialistja Pediatre Nefrologe, Dr.Valbonë Stavileci”, shkroi pediatrja Nushi-Stavileci.
Ndryshe, Dr. Vllaznim Fazliu po ashtu është i pari në Kosovë që ka bërë aplikimin e Shear Wave Elastography në diagnostifikimin e shkallës së fibrozës në mëlçi, diagnostifikim vetëm me ultrazë dhe jo-invaziv. /Gazeta Shneta/
