Ka dështuar për të 13-ën herë seanca konstituive e Kuvendit të Kosovës.
Pasi u mblodhën 113 deputetët, kryesuesi i seancës, Avni Dehari mori fjalën.
Edhe në seancën e sotme, sikurse dy seancat e kaluara, Dehari ka propozuar për votim të fshehtë.
Partitë tjera kanë insistuar në qëndrimet e tyre që nuk e përkrahin votimin e fshehtë, pasi është në kundërshtim me rregulloren.
Kryesuesi Dehari ka kërkuar nga partitë të propozojnë kandidatët për anëtarë të komisionit votues për votim të fshehtë.
PDK-ja dhe LDK-ja edhe këtë herë nuk e kanë propozuar asnjë emër, as AAK-ja. Edhe Lista Srpska s’ka propozuar pasi më parë ka thënë se kjo është kundër rregullores.
56 vota ishin për, një kundër e asnjë abstenim.
Seanca konstituive vazhdon të dielën me fillim nga ora 10:00.