Drejtoreshë e Konsorciumit Genomics Covid-19 në Mbretërinë e Bashkuar ka dhënë një mesazh për të gjithë në formën sesi varianti i ri po adaptohet në këtë vend.
Sipas parashikimit të drejtoreshës Sharon Peacock, varianti i Mbretërisë së Bashkuar do të “përfshijë botën” shkruan Best Life përcjell Gazeta Shneta.
Në një intervistë të 10 shkurtit për podcastin e ‘Newscast të BBC’, drejtoreshë Peacock tha se varianti i Mbretërisë së Bashkuar kishte “përfshirë vendin”, duke theksuar se aktualisht është përgjegjës për shumicën e rasteve të reja në Angli.
Por më pas, ajo paralajmëroi se: “Do të përfshijë botën, me shumë gjasë”.
Në kohën aktuale, varianti i Mbretërisë së Bashkuar, i njohur si B.1.1.7, është zbuluar në më shumë se 70 vende, sipas The New York Times.
Poashtu, drejtoreshë Peacock theksoi se çelësi për të përmbajtur virusin është monitorimi nga afër i mënyrës se si po përshtatet, dhe vazhdon ta bëjë këtë edhe pasi kjo fazë akute e pandemisë të ketë mbaruar dhe jeta të kthehet në normalitet.
Tani për tani, lloji i Mbretërisë së Bashkuar është një nga tre variantet më shqetësuese.
Për momentin, kemi tre variante: një me origjinë nga Brazili, një nga Afrika e Jugut dhe lloji i Mbretërisë së Bashkuar.
Në të gjitha rastet, shqetësimi është se kanë ndodhur mutacione që mund ta bëjnë virusin të paktën pjesërisht rezistent ndaj vaksinave dhe trajtimeve ose më shpejt të transmetueshëm. /Gazeta Shneta/