Një vaksinë shekullore e cila u shpik në Institutet Pasteur në Francë, ka ngjallur interes midis studiuesve për luftën kundër koronavirusit të ri.
Vaksina Bacillus Calmette-Guerin ose BCG e cila përdoret kundër tuberkulozit, tani po testohet në mesin e vullnetarëve në Holandë dhe Austri për të verifikuar efektivitetin e saj kundër Covid-19, transmeton Gazeta Shneta.
Profesori Mihai Netea nga Universiteti Radboud tha se ata po kryenin dy prova me vaksinën BCG.
“E para përfshin 1500 mjek dhe infermierë kurse e dyta përfshin 1600 njerëz mbi moshën 60 vjeç. Në të dy, gjysma e pjesëmarrësve marrin vaksinën BCG ndërsa gjysma tjetër marrin një placebo”, tha ai.
Interesimi për vaksinën BCG bazohet në studime që kanë treguar aftësinë e tij për të forcuar imunitetin e lindur i cili ndihmon në sigurimin e mbrojtjes ndaj sëmundjeve të tjera përveç tuberkulozit.
Testet BCG
Studimi tregoi se administrimi i vaksinës BCG zvogëlonte vdekshmërinë e fëmijëve shumë më tepër sesa mund të shpjegonim nga efekti i tij mbrojtës kundër tuberkulozit. Vdekshmëria e fëmijëve midis atyre që morën vaksinën BCG ishte pothuajse gjysma, në krahasim me ata që nuk e morën atë.
Meqenëse tuberkulozi nuk është aq i zakonshëm gjatë fëmijërisë, vaksina në të vërtetë mbronte fëmijët kundër infeksioneve të frymëmarrjes dhe septikemisë.
Studime të tjera kanë treguar se numri i grimcave të virusit përgjegjës për sëmundjet e frymëmarrjes është më i ulët në ata që marrin këtë vaksinë. /GazetaShneta/